- 0
- 04.07.2025 08:15:00
- 1 daq o'qish
18-iyun kuni Toshkentning Yashnobod tumanidagi “Tenge bank”dan 90 ming dollar o‘g‘irlandi. Jinoiy guruh a’zolari mijoz sifatida kirib, bank xodimi bilan til biriktirgan holda, POS-terminal orqali soxta ma’lumot kiritib, pullarni yechib olgan.
Ichki ishlar vazirligi tezkor tadbirlar o‘tkazib, barcha gumonlanuvchilarni ushladi. Ulardan telefonlar, bank kartalari, POS-terminal va 36 ming dollardan ortiq pul ashyoviy dalil sifatida olib qo‘yildi.
Jami 9 kishi ushlangan, surishtiruv ishlari davom etmoqda.
