Sog‘liqni saqlash vazirligi aholiga murojaat qilib, litsenziyaga ega bo‘lmagan kosmetologlar xizmatidan ehtiyot bo‘lishni so‘radi.

Vazirlik ma’lumotiga ko‘ra, o‘tkazilgan o‘rganishlar davomida litsenziyaga ega nodavlat tibbiyot muassasalarida yuz qismida amalga oshirilgan muolajalar oqibatida salbiy holatlar kuzatilmagan. Aksincha, aholining shikoyatlari ko‘pincha diplomsiz va ruxsatsiz faoliyat yuritayotgan shaxslardan kelib tushmoqda. Mutasaddilar fuqarolardan sog‘lig‘iga zarar yetkazmaslik uchun faqat tibbiy kosmetologiya xizmatlariga yoki litsenziyaga ega nodavlat tibbiyot muassasalariga murojaat qilishni tavsiya qildi.