Mudofaa vazirligi poytaxtda harbiy texnikalar harakatlanishidan ogohlantirdi

Mudofaa vazirligining asosiy tadbirlar rejasiga muvofiq, 6-aprel kuni Toshkent harbiy okrugi qo‘shinlari bo‘linmalari jangovar shayligini yanada oshirish, o‘zaro uyg‘unlik harakatlarini muvofiqlashtirish hamda professional darajada harakatlanish ko‘nikmalarini baholash maqsadida maxsus-taktik o‘quvlar boshlandi. 

Harbiy texnikalar harakati vaqtida haydovchilarga yo‘l harakati qoidalari va harakat xavfsizligiga qat’iy rioya qilish tavsiya qilinadi, — deyiladi xabarda.