Parlament saylovlarida muddatidan oldin ovoz berish kunlari ma’lum qilindi

Markaziy saylov komissiyasining navbatdagi majlisida saylov kuni o‘z yashash joyida bo‘lish imkoniyatiga ega bo‘lmagan saylovchilar uchun 16—23-oktyabr kunlari muddatidan oldin ovoz berish tashkil etish belgilandi. Muddatidan oldin ovoz berish vaqti ish kunlari soat 9:00 dan 18:00 ga qadar, dam olish kunlari esa soat 11:00 dan 17:00 ga qadar davom etadi.

Bundan tashqari, O‘zbekistonning chet davlatlardagi saylov uchastkalarida muddatidan oldin ovoz berish ushbu davlatdagi mahalliy vaqt bilan soat 9:00 dan 18:00 ga qadar amalga oshirilishi belgilab berildi.