- 4
- 25.10.2023 09:42:00
- 1 daq o'qish
Sankt-Peterburgda Kosmonavtlar prospektidagi ijaraga olingan bir xonali kvartiradan taxminan ikki hafta davomida yotgan 28 yoshli qizning jasadi topildi. Bu haqda SHOT telegramm kanaliga tayanib ria.ru xabar bermoqda.
10-oktyabr kuni marhuma o‘zbekistonlik 23 yoshli yigit bilan bir kunlik kvartirani ijaraga olgan. Ertasi kuni uyga farrosh ayol kelgan va xonani tozalab, chiqib ketgan. U hech qanday shubhali narsani sezmagan.
Ikki hafta o‘tgach, ijara haqi to‘lanmagani va aloqa yo‘qligi sababli, uy egasi kvartiraga mijozlarni izlab keladi. Kirgan zahoti uydan badbo‘y, kuchli hidni sezadi. U karavot ostidagi qutidan jasadni topadi.
Marhuma bilan yashagan yigit 12-oktyabr kuni Istanbulga uchib ketgan va qidirilmoqda. Qizning o‘limining aniq sabablari ekspertizadan so‘ng aniqlanadi.
Manba: xabar.uz
