“Eng yaxshi va eng yomon” — vazirlik va tashkilotlarning reyting natijalari e’lon qilindi

BMTning Elektron hukumatni rivojlantirish indeksining 2022 yilgi reyting natijasiga ko‘ra, O‘zbekiston o‘tgan davrga nisbatan 18 pog‘ona yuqorilab, 195 ta mamlakat orasida 69-o‘ringa ko‘tarilib, eng tez sur’atlarda o‘sayotgan davlatlar qatoriga qo‘shilgandi.

Ushbu xalqaro reyting ko‘rsatkichlari asosida O‘zbekistondagi davlat va xo‘jalik hamda mahalliy ijro etuvchi hokimiyat organlarida (keying o‘rinlarda – davlat tashkilotlari) raqamli transformatsiya holatini reyting baholash metodikasi ishlab chiqilgan bo‘lib, doimiy ravishda takomillashtirib borilmoqda.

2023 yil I yarim yillik yakuni bo‘yicha raqamli transformatsiya holatini reyting baholash jarayoniga 43 ta davlat organi, 38 ta xo‘jalik organi va 14 ta mahalliy hokimliklar: jami 95 ta davlat tashkilotlari qamrab olindi.

Reyting baholash ishlari 5 ta yo‘nalishda amalga oshirildi:

- Ochiqlik va elektron ishtirok;

- Elektron davlat xizmatlari;

- Axborot xavfsizligi;

- Faoliyatning raqamlashtirilganligi;

- Tashkiliy masalalar.

Manba: xabar.uz