Shavkat Mirziyoyev bakalavr pedagog kadrlar tayyorlash to‘liq davlat grantiga o‘tkazilishini ma’lum qildi

Tadbirkorlar va ishbilarmonlar harakati – O‘zbekiston Liberal-demokratik partiyasidan O‘zbekiston Respublikasi Prezidentligiga nomzod Shavkat Mirziyoyev 6 iyul kuni Sirdaryo viloyati saylovchilari bilan uchrashdi. 

Shundan so‘ng O‘zbekiston Respublikasi Prezidentligiga nomzod Shavkat Mirziyoyev o‘zining saylovoldi dasturi yuzasidan ma’ruza qildi. 

Shavkat Mirziyoyev sirdaryolik saylovchilar bilan uchrashuvda O‘zbekistonda oliy ta’lim tizimini isloh qilish, mutaxassislar tayyorlash sifatini yaxshilash borasidagi rejalarini ham ma’lum qildi. 

– Pedagogika yo‘nalishidagi oliygohlarni alohida yondashuv asosida rivojlantiramiz. Kelgusi o‘quv yilidan bakalavr pedagog kadrlar tayyorlashni to‘liq davlat grantiga o‘tkazamiz. Magistraturada esa kvotalar ikki karra oshirilib, to‘liq davlat hisobidan bo‘ladi. Kadrlar yetishmaydigan, ta’lim sifati og‘ir maktablar oldindan tanlanib, ular uchun maqsadli davlat buyurtmasi joriy qilinadi. Bunda, buyurtma asosida o‘qishni tamomlagan yoshlarga ushbu maktablarda borib ishlashlari uchun jozibador rag‘batlantirish tizimini yo‘lga qo‘yamiz. Pirovardida, 2030 yilga borib bog‘cha tarbiyachisi ham, maktab o‘qituvchisi ham faqat va faqat oliy ma’lumotli bo‘ladi, – dedi nomzod. 

manba: uza.uz