Shavkat Mirziyoyevning Bokuga tashrifi

Shavkat Mirziyoyev COP29 sammitida qatnashish uchun Bokuga tashrif buyurdi.
13-noyabr kuni COP29 sammiti doirasida O‘zbekiston, Qozog‘iston va Ozarboyjon o‘rtasida “yashil” energiyani rivojlantirish va uzatish sohasida strategik sheriklik to‘g‘risidagi bitimni imzolash marosimi bo‘lib o‘tdi. Tadbirda Shavkat Mirziyoyev qayta tiklanuvchi energiya iqtisodiy maqsad emas, balki kelajakka qo‘shilayotgan hissa, kelgusi avlodlar oldidagi mas’uliyat tuyg‘usining natijasi ekanligini ta’kidladi. 
Uzatiladigan energiya - bu shamol va quyosh energiyasi bo‘lib, qayta tiklanadigan va toza manba hisoblanadi hamda iqlimga ta’sirni yumshatish imkonini beradi. Shu orqali tomonlar Parij bitimi va Barqaror rivojlanish maqsadlari doirasida iqlimni muhofaza qilish bo‘yicha qo‘shma sa’y-harakatlarni qo‘llab-quvvatlamoqda.

Shuningdek, Shavkat Mirziyoyev Ilhom Aliyev bilan uchrashuv o‘tkazib, Xonkandi shahrida qoʻshma fabrikani ishga tushirdilar.