Shavkat Mirziyoyev Xitoyga boradi

18-19 may kunlari Xitoyning Sian shahrida “Xitoy-Markaziy Osiyo” sammiti bo‘lib o‘tadi.

Markaziy Osiyo davlatlari prezidentlari may oyi o‘rtalarida Xitoyga davlat tashrifi bilan boradi.

Xitoy raisi Si Jinping taklifiga binoan, Qozog‘iston prezidenti Qosim-Jo‘mart To‘qayev, Qirg‘iziston prezidenti Sadir Japarov, Tojikiston prezidenti Imomali Rahmon va O‘zbekiston prezidenti Shavkat Mirziyoyev 16-20 may kunlari Xitoyda davlat tashrifi bilan bo‘ladi. Bu haqda Xitoy Tashqi ishlar vazirligi xabar berdi.

Davlat tashrifi Markaziy Osiyo davlatlari rahbarlarining 18-19 may kunlari Sian shahrida Si Jinping raisligida bo‘lib o‘tadigan «Xitoy – Markaziy Osiyo» sammitidagi ishtiroki bilan bog‘liq bo‘ladi.