“Salimboy” 6 yilga qamaldi

“Salimboy” nomi bilan tanilgan Salim Abduvaliyev sud hukmiga ko‘ra 6 yilga ozodlikdan mahrum qilindi. U noqonuniy tarzda qurol saqlashda ayblangandi.

Sud hukmi bilan Salim Abduvaliyev Jinoyat kodeksining 248-moddasi (o‘qotar qurolning, o‘q-dorilarning, o‘qotar qurol asosiy qismlarining, portlovchi moddalarning, portlatish vositalarining yoki portlatish qurilmalarining qonunga xilof muomalasi) 2-bandi bilan aybdor deb topilib, 6 yil muddatga ozodlikdan mahrum qilish jazosi tayinlandi.