- 0
- 12.09.2025 07:57:00
- 1 daq o'qish
O‘zbekiston va Rossiya fuqarolariga “zagran”pasportisiz, faqat ichki pasport yoki ID-karta orqali ikki mamlakatga kirish huquqini berish masalasi muhokama qilinmoqda. TIV matbuot kotibi Ahror Burxonovning aytishicha, muzokaralar davom etmoqda va zarur tartib-taomillar o‘tkazilmoqda. Shuning uchun ushbu imkoniyatning aniq sanasi hali belgilanmagan.
Ayni paytda ikki davlat o‘rtasida vizasiz rejim mavjud bo‘lsa-da, Rossiya fuqarolari O‘zbekistonga, o‘zbekistonliklar esa Rossiyaga kirish uchun hozircha chet el (“qizil”) pasportidan foydalanmoqda. Shu bilan birga, 2025-yil 30-iyundan boshlab Rossiyaga vizasiz kelayotgan chet el fuqarolari “Gosuslugi RuID” ilovasi orqali oldindan ro‘yxatdan o‘tishi va QR-kod olishi talab etiladi.
