Nepalda tartibsizliklar avj oldi

Nepalda ijtimoiy tarmoqlarga qo‘yilgan taqiq va korrupsiyaga qarshi namoyishlar zo‘ravonlikka aylandi. 9-sentabr kuni namoyishchilar parlament binosi, hukumat idoralari va boshqa davlat muassasalariga o‘t qo‘ydi.
Ikki kundan beri davom etayotgan tartibsizliklarda kamida 19 kishi halok bo‘ldi, yuzlab odamlar jarohat oldi. Bosh vazir iste’fo berdi. Namoyishchilar uning shaxsiy qarorgohiga bostirib kirib, uyni yoqib yuborishgan. 
Nepal Qurolli Kuchlari qo‘mondoni namoyishchilarga murojaat qilib, vaziyatni tinch yo‘l bilan hal qilish uchun norozilik namoyishchilarini barcha namoyish harakatlarini to‘xtatishga va muloqotga kirishishga chaqirdi.