Venesuelada mahbuslar isyon ko‘tardi

Venesuelaning Barinas shtatida mahbuslar tergov izolyatorini egallab olib, ommaviy isyon uyushtirdi. Isyon 24-may kuni sodir bo‘lib, unga 1 200 ga yaqin erkak va 100 nafar ayol mahbus qo‘shilgan. Vaziyatni nazorat qilish uchun qo‘riqchilar va harbiylar jalb etilgan, ko‘zdan yosh oqizuvchi gaz qo‘llangani va o‘q uzilgani haqida ham ma’lumotlar bor. Mahbuslarning noroziligiga yangi tayinlangan direktor Elvis Makure Gerrero kelganidan keyin kuchaygan zo‘ravonliklar, kaltaklash va tintuvlar sabab bo‘lgani aytilmoqda. U tayinlanganidan so‘ng 120 dan ortiq mahbus jazoni og‘irlashtirilgan izolyatorlarga joylashtirilgan.