O‘zbekistonda pulli o‘q otish turizmi

26-sentabrdan “Turizmning yangi turlarini joriy qilish hamda mamlakatimizning turistik salohiyatidan samarali foydalanishga oid qo‘shimcha chora-tadbirlar to‘g‘risida”gi Vazirlar Mahkamasi qarori kuchga kirib, 2025-yildan O‘zbekistonda turizmning yangi 5 ta yo‘nalishi sanoat, geologiya, ilmiy, harbiy va davlat boshqaruvi turizmi yo‘lga qo‘yiladi. Shuningdek, 2025-yil 1-yanvardan mahalliy va xorijiy sayyohlarga Mudofaa vazirligi o‘q otish bo‘yicha pulli xizmatlarni, Adliya vazirligi hukumat bino va inshootlariga tashrifni o‘z ichiga olgan davlat-boshqaruv turizmi xizmatini tashkil qiladi.