Yangi Zelandiya Adliya vaziri mast holda mashina boshqarib avtohalokatga uchragani uchun iste'foga chiqdi

Yangi Zelandiya Adliya vazirligi rahbari Kiri Allan mast holda avtohalokat sodir etganidan keyin iste'foga chiqdi. 
OAV ma'lumotlariga ko'ra, Allan bir kun oldin Vellingtonda mahalliy vaqt bilan taxminan 9 soat avtohalokatga uchragan. U darhol hibsga olingan, ammo bir necha soatdan keyin ozod qilingan. 24-iyul kuni mamlakat bosh vaziri Kris Hipkins ommaviy axborot vositalari vakillari bilan matbuot anjumani o‘tkazdi. Ma'lum bo'lishicha, Allan bir qator qoidabuzarliklarda ayblangan: qondagi alkogoldan tashqari, Adliya vaziri politsiyachilar bilan muloqot qilishdan bosh tortgan.

"Bugun ertalab men u bilan gaplashdim va u vazir bo'la olmasligini aytdim. Kiri rozi bo'ldi va iste'foga chiqdi", dedi Hipkins jurnalistlarga.

Shuningdek, u Kirining uzoq yillik sherigi bilan ajrashganidan keyin so'nggi paytlarda psixologik qiyinchiliklarga duch kelganini ta'kidladi. "Kiri — iblislarga qarshi kurashgan va bu jangda yutqazgan nihoyatda iste'dodli odam", dedi yangi Zelandiya bosh vaziri. Kiri so'nggi paytlarda iste'foga yuborilgan to'rtinchi vazirdir.