Tolibondan yangi cheklov: 40 yoshgacha bo‘lgan ayollar Termiz bozoriga kirishi taqiqlanadi 

Tolibonning “axloq politsiyasi” Termiz yaqinidagi chegara bozoriga 40 yoshgacha bo‘lgan ayollarni kiritishni taqiqladi. Mahalliy savdogarlar bu cheklov mijozlar sonining keskin kamayishiga olib kelganini aytmoqda. Oldin bozorda oila a’zolari, jumladan yosh ayollar ham faol ishtirok etgan. Savdogarlar ushbu cheklovlar chegara hududidagi iqtisodiy faollikni izdan chiqarishini aytmoqda. Mazkur choralar Tolibon tomonidan ayollarning jamoat va iqtisodiy hayotdagi ishtirokini cheklashga qaratilgan kengroq siyosiy strategiyaning bir qismi sifatida baholanmoqda. Tolibon bu cheklov yuzasidan rasmiy izoh bermagan.