AQSHda kuchli tornadolar oqibatida 30 ga yaqin kishi halok bo‘ldi

AQSHning Kentukki, Missuri va boshqa shtatlarida yuz bergan kuchli tornadolar natijasida kamida 28 kishi halok bo‘ldi. Kentukki shtatida 14, Missurida esa 7 kishi vafot etgani xabar qilindi. Sent-Luisda 5 mingga yaqin binoga zarar yetgan.
15-maydan beri Koloradodan Nyu-Jersigacha o‘nlab tornadolar kuzatildi. Noqulay ob-havo sabab 800 mingdan ortiq xonadon va korxona elektrsiz qolgan. Dushanba kuni Texasdan Illinoysgacha bo‘lgan 30 milliondan ortiq aholi yangi bo‘ronlar xavfiga tayyorlanmoqda.