Yaponiya Ikkinchi jahon urushidan keyin yana harbiy kema eksport qiladi – xaridor Avstraliya

Avstraliya Mitsubishi Heavy Industries kompaniyasining 5500 tonnalik Mogami sinfidagi fregatlaridan 11 tasini sotib olayotganini ma’lum qildi. Kelishuv qiymati 6,5 milliard dollar bo‘lib, bu Yaponiya va Avstraliya o‘rtasidagi eng yirik mudofaa bitimidir. Uchta kema Yaponiyada, qolgan sakkiztasi G‘arbiy Avstraliyada quriladi.
Bu fregatlar Avstraliyaning eskirgan Anzak toifasidagi kemalarini almashtiradi. Mogami fregatlari yuqori darajadagi avtomatlashtirilgan tizimlarga ega bo‘lib, ularni atigi 90 kishilik ekipaj boshqara oladi, boshqa o‘xshash kemalarda 200 ga yaqin odam boshqarishi talab etiladi.