Isroil HAMAS harbiy lagerlaridan birini o‘z nazoratiga oldi

Isroil armiyasining quruqlik kuchlari G‘azo sektoridagi HAMAS harbiy lagerini nazoratga oldi.

Lager hududida yer osti tunnellari, kuzatuv punktlari, jangarilarni tayyorlash uchun maydonchalar mavjud. Operatsiya davomida bir nechta HAMAS harbiylari halok bo‘lgani haqida Isroil harbiylari ma'lumot berdi.

Avvalroq isroil harbiylari G‘azo sektoridagi 450 ta nishonga zarba bergani haqida xabar bergan edi. Hujumlar davomida HAMAS yetakchilaridan biri Jamal Mussa yo‘q qilindi. U maxsus xavfsizlik operatsiyalari uchun mas'ul edi.