O‘zbekistonda imkoniyati cheklangan shaxslar bir qancha lavozimlarga ishga taklif qilinmoqda

Ijtimoiy himoya milliy agentligi imkoniyati cheklangan shaxslar orasidan  vakant lavozimlariga ochiq tanlov eʼlon qildi. 

Agentlik davlat xizmatchilari uchun bo‘sh ish o‘rinlari yagona ochiq portali – vacancy.argos.uz platformasi orqali agentlikning markaziy apparatidagi bo‘sh ish o‘rinlari uchun tanlovning 1-bosqichini e‘lon qildi.

Nomzodlarga alohida talablar: Nogironligi boʼlgan shaxslar tibbiy-ijtimoiy ekspert komissiyasi tomonidan rasmiylashtirilgan nogironlik toʼg‘risidagi maʼlumotnomaning kasb va mehnat tavsiyalari yoziladigan qismida koʼrsatilgan tavsiya asosida tanlovda ishtirok etadi. Quyida mazkur lavozimlar keltirilgan:

• Voyaga yetmaganlar uchun ijtimoiy xizmatlarni rivojlantirish va monitoring qilish boshqarmasi bosh mutaxassisi;
• Ijtimoiy toʼlovlar boshqarmasi yetakchi mutaxassisi;
• Katta yoshdagilar uchun ijtimoiy xizmatlarni rivojlantirish va monitoring qilish boshqarmasi yetakchi mutaxassisi;
• Inson resurslarini rivojlantirish va ijtimoiy ish metodologiyasi boshqarmasi bosh mutaxassisi;
• Inson resurslarini rivojlantirish va ijtimoiy ish metodologiyasi boshqarmasi yetakchi mutaxassisi;  
• Moliya tahlil va rejalashtirish boshqarmasi yetakchi mutaxassisi;
• Xaridlar boshqarmasi yetakchi mutaxassisi;  
• Raqamli texnologiyalarni joriy etish boshqarmasi yetakchi mutaxassisi.
  
  Manba: daryo.uz