Namanganda rulda osh yegan va Damas’ga konditsioner o‘rnatgan haydovchilarga chora ko‘rildi

Avvalroq haydovchi Damas’ga uy konditsionerini o‘rnatib harakatlangani haqida xabar bergan edik. Bunga o‘xshash qoidabuzarliklar ko‘payib, ijtimoiy tarmoqlarda shov-shuv uyg‘otdi. Xususan, yana bir bloger tomonidan sodir etilgan qoidabuzarliklar jamoatchilik e’tiboriga tushgan. U avtomobil boshqaruv vaqtida rulga lagandagi oshni qo‘ygan va uni yegan holda harakatlangan.

Ushbu qoidabuzar haydovchilarga ma’muriy bayonnoma rasmiylashtirilib, mashinalari jarima maydoniga qo‘yilgan.