Hindistonda oilalarga 3 farzandli bo‘lish taklif qilindi

Hindistonning millatchi tashkiloti rahbari Mohan Bhagvat oilalarni kamida uch farzandli bo‘lishga chaqirdi. Unga ko‘ra, tug‘ilish darajasi pasayib, milliy manfaat uchun aholining barqaror bo‘lishi zarur. BMT ma’lumotiga ko‘ra, aholisi 1,46 milliard bo‘lishiga qaramay, Hindiston ayollari o‘rtacha ikki farzand ko‘rmoqda. Bhagvat tug‘ilish kamayib borayotgan bir paytda musulmonlar soni ortayotganini ham ta’kidladi. U musulmonlarga qarshi ekani haqidagi tanqidlarni rad etib, “madaniyatimiz bir, dindagi farq identifikatsiyani o‘zgartirmaydi”, dedi.