AQSHdan ketmoqchi bo‘lgan noqonuniy migrantlarga bepul chipta va pul beriladi

AQSH prezidenti Donald Tramp aytishicha, endi noqonuniy muhojirlar mamlakatni ixtiyoriy tark etsa, ularga 1000 dollar pul va bepul aviachipta beriladi.
Uning so‘zlariga ko‘ra, yangi “o‘z-o‘zini deportatsiya qilish” dasturi ishga tushgan. Muhojirlar maxsus ilova orqali ro‘yxatdan o‘tib, aeroportga borishsa, vataniga bepul uchishlari mumkin.
📱 Bu uchun mobil ilova ishlab chiqilgan va yana qo‘shimcha “safar bonusi” ham berilishi aytilgan.
Tramp bu dastur byudjetga katta pul tejashini, lekin ishtirok etmaslik — ya’ni mamlakatni tark etishdan bosh tortish — “og‘ir oqibatlar”ga olib kelishini ogohlantirdi.
Shuningdek, Tramp: “Biz Amerikani tark etishingizni istaymiz. Agar yaxshi inson bo‘lsangiz, kelajakda qaytishingizga yordam beramiz”, — dedi.