Pokistonda kuchli suv toshqini: millionlab odamlar zarar ko‘rdi

Pokistonning Panjob viloyatida kuchli yomg‘irlar sabab yuzaga kelgan suv toshqinlari oqibatida 1,2 millionga yaqin aholi zarar ko‘rdi, 250 mingdan ortiq odam evakuatsiya qilindi. Qutqaruv ishlari davom etmoqda, yuzlab qayiq va dronlardan foydalanilmoqda. Viloyat bo‘ylab yordam markazlari va tibbiy punktlar tashkil etilgan. Hodisa oqibatida kamida 15 kishi halok bo‘lgan, mamlakat bo‘yicha esa 800 dan ortiq o‘lim qayd etilgan. Mutaxassislar buni iqlim o‘zgarishlari bilan bog‘lamoqda.