- 0
- 29.05.2025 12:07:00
- 1 daq o'qish
25-may kuni Gavayi orollaridagi eng faol vulqonlardan biri — Kilauea yana otilib, lavani taxminan 300 metr (Eyfel minorasiga teng) balandlikka chiqardi. Bu haqda AQSh Geologik xizmati (USGS) xabar berdi.
Hozircha vulqon atrofidagi aholi yashaydigan hududlarga xavf yo‘q. Biroq, otilish natijasida havoga zararli gazlar va mayda vulkanik tolalar (shisha singari zarrachalar) tarqalgan. Mutaxassislar bunday hodisalar yaqin kunlarda yana takrorlanishi mumkinligini aytishmoqda.
