Maktablarda pullik sinflar paydo bo‘ldimi? 

Maktabgacha va maktab ta’limi vazirligi ijtimoiy tarmoqlarda tarqalgan maktablarda pullik sinflar ochilishi haqidagi xabarlarga rasmiy munosabat bildirdi. “Pullik sinf” degan noto‘g‘ri talqin qilinayotgan holatlar aslida ota-onalar tashabbusi bilan tashkil etilayotgan qo‘shimcha ta’lim xizmatlari bo‘lib, ular davlat ta’lim standartlaridan tashqari bilim berishga qaratilgan. Bu mashg‘ulotlar ixtiyoriy va ota-onalar bilan shartnoma tuzgan holda amalga oshirilishi, shuningdek, ta’lim xizmatlaridan tushgan mablag‘ning bir qismi o‘qituvchilarga maosh, qolgani esa maktab infratuzilmasini yaxshilash va xodimlarni rag‘batlantirishga yo‘naltirilishini aytgan.