Hindistondagi olovli festival

Hindistonda yuzlab hind dindorlari ma’budaga hurmat bajo keltirish uchun an’anaviy olov festivalida qatnashdi. Jangovar ma’buda Durga Parameshvari ibodatxonasida yig‘ilgan dindorlar bir-birlariga yonayotgan mash’allarni otishdi. Bu marosim, ularning e’tiqodiga ko‘ra, yovuzlikni yo‘q qiladi va ishtirokchilarni kasalliklardan xalos qiladi. Ishtirokchilar ikki guruhga bo‘linib, bir-birlariga yonayotgan mash’allarni otishadi. Tadbir davomida kuygan odamlarga za’faron aralashmasidan tayyorlangan qizil kukunli suv sepiladi.