Kongoda Ebola qurbonlari soni 100 nafardan oshdi

Kongo Demokratik Respublikasida Ebola epidemiyasi oqibatida kamida 118 kishi vafot etdi. Yana 390 dan ortiq odam kasallikka chalinishda gumon qilinmoqda. Bu haqda BBC mahalliy rasmiylarga tayanib xabar berdi.

Ma’lumotlarga ko‘ra, virus mamlakatning yangi hududlariga ham tarqalmoqda. Qo‘shni Ugandada ham Ebola bilan bog‘liq ikki holat va bir o‘lim qayd etilgan. JSST vaziyatni xalqaro miqyosdagi favqulodda holat deb e’lon qilgan. Hozir tarqalayotgan Ebola shtammiga qarshi tasdiqlangan vaksina yoki dori mavjud emas.

Mutaxassislarning aytishicha, Ebola tana suyuqliklari orqali yuqadi va og‘ir asoratlar, jumladan ichki a’zolar yetishmovchiligiga olib kelishi mumkin.