- 9
- 24.07.2023 14:16:00
- 1 daq o'qish
Farg‘ona shahar Yangi Asr ko‘chasida joylashgan qurilishi tugallanmagan bino yonidan 20-iyul kuni 11 yoshli qizchaning murdasi zo‘rlash va qotillik alomatlari bilan topilgani haqida xabar berilgan edi. Holat yuzasidan yangi tafsilotlar ochiqlandi.
Qizaloqning yaqinlari tomonidan berilgan ma‘lumotlarga ko‘ra, 19-iyul kuni o‘zlariga tanish bo‘lgan oila farzandi — 2006-yilda tug‘ilgan, Farg‘ona shahridagi 16-umumiy o‘rta ta‘lim maktabining 11-sinf o‘quvchisi qizning uyiga kelib onasi uni chaqirayotganini aytgan va uydan olib chiqib ketgan. 11 yoshli qizaloq ota-onasining yolg‘iz qizi bo‘lgan.
“Ayam chaqiryapti, dedi. Darrov jo‘nataman, keladi, dedi. Mayli, qizim akang bilan bor, dedim. Yugurib-yugurib ketishdi. Bir soat bo‘lsa ham kelmadi. Domni orqasiga o‘tdik. Qizimni baqirib chaqirdim, qidirdim. Undan qizimni so‘radim. Bormadimi, dedi. Kelgani yo‘q, dedim. Kelib qolar, dedi”, — deya o‘sha kun haqida aytib berdi marhuma qizaloqning otasi.
Shuningdek, qizning onasi ham voqea haqida aytib berdi. Uning ta‘kidlashicha, 2006-yilda tug‘ilgan bola dugonasining o‘g‘li bo‘lgan.
“O‘rtog‘im bor edi. Kirdi-chiqdimiz bor edi. Bollari kelib narsa olib ketardi. Ayang chaqiryapti, deb aldab olib chiqib ketgan ekan”, — deydi ayol.
Yigit yashaydigan MFY raisi u haqida gapirib, hech qanday yomon tavsiya bera olmasligini aytdi. Oldindan uning ustidan shikoyat tushmagan.
Manba: daryo.uz
