Deportatsiya qilingan o‘zbekistonliklarga 2 yil “zagranpasport” berilmaydi

2025-yil 1-sentabrdan boshlab, chet eldan deportatsiya qilingan yoki readmissiya asosida qaytarilgan o‘zbekistonlik fuqarolarga 2 yil davomida xorijga chiqish uchun biometrik pasport rasmiylashtirib berilmaydi. Bu 13-may kuni hukumatning “Mehnat migratsiyasi jarayonlarini takomillashtirish bo‘yicha qo‘shimcha chora-tadbirlar to‘g‘risida”gi yangi qarorida ko‘zda tutilgan. Istisno holatlar faqat Ichki ishlar vazirligi tomonidan belgilanadi. 
🔎 Kimlar bu ro‘yxatga tushadi?
•  Chet elda noqonuniy qolgan yoki vizasi tugagan fuqarolar;
•  Deportatsiya qilinganlar;
•  Xorijiy davlat qonunlarini buzganlar;
•  O‘zbekistonning xalqaro obro‘siga putur yetkazganlar.
📁 Ma’lumotlar TIV, IIV va Migratsiya agentligi bergan ma’lumotlar asosida yagona elektron reyestrda yuritiladi.
⚠️ Deportatsiya qilingan fuqarolarga quyidagi ta’sir choralari qo‘llanadi:
•  Qaytish xarajatlari fuqaroning o‘zidan undirib olinadi;
•  Olingan subsidiya va yordam pullari qaytariladi;
•  1 yil davomida rivojlangan davlatlarga ishga yuborilmaydi;
•  Shartnoma buzilganda jarima va kafillik belgilanadi.
Bu chora-tadbirlar migratsiya jarayonlarini tartibga solish va noqonuniy muhojirlikni kamaytirish maqsadida joriy etilmoqda.