Xitoy Farg‘onada avtomobil zavodi quradi

Xitoyning China Xiaou Group kompaniyasi Farg‘ona viloyatida yiliga 110 ming dona avtomobil ishlab chiqaradigan zavod qurish uchun 1,5 milliard dollar sarmoya kiritadi.

Farg‘ona viloyati hokimi Xayrullo Bozarov boshchiligidagi Farg‘ona viloyati ishbilarmonlari delegatsiyasining Xitoyga tashrifi chog‘ida Xitoy sarmoyasi hisobidan yirik avtomobilsozlik majmuasini barpo etish bo‘yicha shartnoma imzolandi. 

Eslatib o‘tamiz, Farg‘ona viloyatida xitoylik avtomobil ishlab chiqaruvchilar uchun 200 gektar maydonda texnopark tashkil etilgan va avtomobillar yangi mahalliy brend ostida ishlab chiqariladi.