AQSHda bolakay osma poyezd yo‘liga chiqib ketdi

Pensilvaniyadagi Hersheypark ko‘ngilochar bog‘ida kichkina bola osma poyezd yo‘liga chiqib olgani odamlarni vahimaga soldi. Guvohlar uni tezda qutqarishga shoshildi.
Park ma’murlarining aytishicha, bola ota-onasidan ajralib qolganidan keyin bedarak yo‘qolgani haqida xabar berilgan. Qidiruv vaqtida esa u yopiq bo‘lgan osma poyezd yo‘liga kirib ketgani ma’lum bo‘ldi. Bola bir muddat yurishdan toʻxtab pastga, odamlarga qaragan, uni kuzatib turganlar esa yoʻlida davom etishini aytgan.