Yamanda muhojirlar bo‘lgan qayiq ag‘darilib ketdi

BMTning Xalqaro migratsiya tashkiloti ma’lumotiga ko‘ra, 2025-yil 3-avgust kuni tongda Yamanning Abyan provinsiyasi yaqinida Adan ko‘rfazida afrikalik muhojirlar ketayotgan qayiq ag‘darilib ketdi.
Qayiqda jami 154 nafar efiopiyalik muhojir bo‘lgan. Halokat oqibatida kamida 68 kishi halok bo‘lgan, ularning 54 nafari Xanfar tumanida, qolganlari esa Zinjibar shahridagi kasalxona o‘likxonasiga yetkazilgan. Faqat 12 kishi omon qolgan, 74 nafari esa bedarak yo‘qolgan. Yamandagi qidiruv-qutqaruv xizmatlari keng miqyosdagi operatsiya boshlagan. Ko‘plab jasadlar qirg‘oqqa sochilgan holatda topilmoqda.
Yaman, garchi o‘zi urush girdobida bo‘lsa-da, Afrika va Sharqiy Afrikadan kelayotgan minglab muhojirlar uchun asosiy tranzit yo‘nalishi bo‘lib qolmoqda. 2025-yil boshidan beri Yamanga 60 mingdan ortiq muhojir yetib kelgan.