Nepaldagi “Z avlod” norozilik namoyishlarida kamida 19 kishi halok bo‘ldi

Hukumat Facebook, X, YouTube va boshqa ijtimoiy tarmoqlarni ro‘yxatdan o‘tmagani va soxta akkauntlar orqali yolg‘on hamda nafrat so‘zlari tarqatilgani sababli blokladi. Bu qaror yoshlar orasida katta noroziliklarga sabab bo‘ldi. Katmandu va boshqa shaharlarda o‘tgan “Z avlod” namoyishlarida odamlar parlament binosiga kirishga uringanida politsiya ko‘zdan yosh oqizuvchi gaz va o‘q ishlatdi. To‘qnashuvlar oqibatida kamida 19 kishi halok bo‘ldi, ko‘plab odamlar jarohatlandi. Shundan so‘ng hukumat komendantlik soati joriy qildi.