Hayvonlar chizgan rasmlar kimoshdi savdosiga qo‘yiladi

Nyu-York hayvonot bog‘i o‘zining ijtimoiy tarmoqlardagi sahifalarida pingvinlar, jirafalar, yalqovlar, kapibaralar va boshqa hayvonlar tomonidan yaratilgan san’at asarlarini e’lon qildi. Ushbu rasmlar gala-auksionda sotuvga qo‘yiladi. 
Hayvonot bog‘i xodimi Mikaila Konvey ijodiy jarayon haqida so‘zlab berdi. Uning aytishicha, rasm chizish hayvonlar uchun nafaqat rivojlantiruvchi mashg‘ulot, balki ko‘ngil ochish va his-tuyg‘ularini ifoda etish usuliga ham aylangan. Ammo baribir ularga qo‘shimcha motivatsiya kerak bo‘lgan. Masalan, pingvinlarga mazali yegulik va’da qilinganda yoki lazer ko‘rsatkich bilan yordam ko‘rsatilganida, ular rasm chizishga jiddiy yondashgan.