Buxoroda yuk mashinasi teplovoz bilan to‘qnashdi. Haydovchi vafot etgan

Hodisa 5 sentabr kuni ertalab Olot tumanida, qo‘riqlanmaydigan temiryo‘l kesishmasida sodir bo‘lgan.

Holat yuzasidan “Buxoro mintaqaviy temiryo‘l uzeli” UK rasmiy ma’lumot berdi.

Ma’lum qilinishicha, 5 sentabr kuni soat 8:35lar atrofida Olot-Qorako‘l temiryo‘l bekatlari oralig‘i 4044 kilometr 1-piketda joylashgan qo‘riqlanmaydigan temiryo‘l kesishmasida Sh.Sh. boshqaruvidagi lokomotiv J.A. boshqaruvidagi “HOWO” yuk mashinasi bilan to‘qnashgan. To‘qnashuvga yuk mashinasi haydovchisining ehtiyotsizligi sabab bo‘lgan.