Pokistonda PUBG o‘yini tufayli oilasini o‘ldirgan o‘smir 100 yilga qamaldi

Pokistonning Lahor shahrida 17 yoshli Zayn Ali onasi, akasi va ikki singlisini o‘ldirganlik uchun 100 yillik qamoq jazosiga hukm qilindi. Jinoyat o‘smirning onlayn PUBG o‘yini ta’sirida asabiy buzilish oqibatida sodir bo‘lgan. Fojia yuz berganida Ali atigi 14 yoshda bo‘lgan. U oilasining xonasiga kirib, onasining to‘pponchasi bilan o‘q uzgan. Onasi (45), akasi Taymur (20) va singillari Maxnur (15) hamda Jannat (10) voqea joyida halok bo‘lgan.
Sudya jinoyatning o‘yinga qaramlik sabab sodir bo‘lganini ta’kidlab, Aliga o‘lim jazosi o‘rniga har bir qotillik uchun 25 yildan, jami 100 yil qamoq jazosi tayinlagan.