Yo‘l talashgan haydovchilar janjali homilador ayolning homilasidan ayrilishiga sabab bo‘ldi

Toshkent shahrining Yakkasaroy tumani Muqimiy ko‘chasida Gentra va BYD avtomashinalari haydovchilari o‘rtasida kelib chiqqan janjal oqibatida homilador ayol homilasidan ayrildi. BYD haydovchisi Gentra haydovchisini urib uning ayoliga ham shikast yetkazgan. Shahar IIBB ma’lum qilishicha, (https://t.me/ubdd_uz/31138) holat yuzasidan Jinoyat kodeksining 277-moddasi 2-qismi “b” bandi (bezorilik) bo‘yicha jinoyat ishi qo‘zg‘atilgan va hodisa ishtirokchilari qo‘lga olingan.