Toshkent markazidagi ko‘chaning bir qismi 7 kunga avtomobillar harakati uchun yopildi

Toshkent shahar Mirobod tumanidagi Yakub Kolas ko‘chasining bir qismi avtomobillar harakati uchun vaqtincha yopildi, deb xabar beradi poytaxt hokimligi matbuot xizmati.

Ma’lum qilinishicha, O‘zbekiston prezidentining 2023-yil 11-martdagi “Toshkent shahridagi istemolchilarni energiya resurslari bilan barqaror taminlash chora-tadbirlari to‘g‘risida”gi qaroriga muvofiq, barcha hududlarda elektr tarmoqlari kabellarini, transformatorlarni yangilash-taʼmirlash ishlari olib borilmoqda.

Mirobod tumanining Yakub Kolas ko‘chasi hududida 18x6 metr uzunlikdagi 110 kilovatt bo‘lgan yuqori kuchlanishli yerosti elektr uzatish kabel tarmoqlarini o‘tkazish ishlari amalga oshirilmoqda. Shu sababli, 28-avgust kunidan 4-sentabr kuniga qadar Yakub Kolas ko‘chasining Mirobod tumani tibbiyot birlashmasi Markaziy ko‘p tarmoqli poliklinikasi yonidan 20 metr uzunlikdagi (110-umumtaʼlim maktabi qarshisi) qismi barcha turdagi avtotransport vositalari harakati uchun yopildi.