Islom sivilizatsiyasi markazi va Minorai Kalon yaqinida yong‘in yuz berdi

Bugun Toshkent shahrida joylashgan Islom sivilizatsiyasi markazida va Minorai Kalon yaqinidagi oshxonada yong‘in sodir bo‘ldi. Bu haqda Favqulodda vaziyatlar vazirligi xabar qilmoqda.
Ma’lum qilinishicha, 19-avgustga o‘tar kechasi ikki qavatli oshxonada yong‘in yuz bergan. Voqea joyiga 5 ta yong‘in-qutqaruv ekipaji yuborilgan. Ular 00:49 da hodisa joyiga yetib borgan. Yong‘in 01:50 da butunlay o‘chirilgani aytilmoqda. 
Islom sivilizatsiyasi markazida esa kunduzi qurilish mahsulotlari yonayotgani haqida xabar berildi. Vazirlikka ko‘ra, yong‘in-qutqaruv ekipajlari yong‘inni o‘chirmoqda. Ikkala holatda ham jarohat olganlar yo‘q.