O‘zbekiston va Iordaniya o‘rtasida 15 ta hujjat imzolandi

Samarqandda Shavkat Mirziyoyev va Abdulla II muzokaralar o‘tkazib, sheriklik munosabatlarini mustahkamlash to‘g‘risida qo‘shma bayonot qabul qildi.

Tashrif doirasida 15 ta ikki tomonlama hujjat imzolandi:

•Ekstraditsiya to‘g‘risida bitim;
•Investitsiyalarni o‘zaro rag‘batlantirish va himoya qilish to‘g‘risida bitim;
• Qo‘shma komissiya tuzish to‘g‘risida bitim;
• Viza talablarini bekor qilish to‘g‘risida bitim;
• Oliy ta’lim va ilmiy tadqiqotlar sohasida hamkorlik to‘g‘risida bitim;
•Turizm sohasida hamkorlik to‘g‘risida bitim;
• Havo qatnovi to‘g‘risidagi hukumatlararo bitimga o‘zgartirishlar kiritish to‘g‘risida bayonnoma;
• Tovarlar va transport vositalari harakati to‘g‘risidagi dastlabki ma’lumotlarni onlayn almashish to‘g‘risida bayonnoma;
• Qishloq xo‘jaligi sohasida hamkorlik to‘g‘risida bitim;
• O‘simliklar karantini va himoyasi sohasida hamkorlik to‘g‘risida bitim;
• Veterinariya sohasida hamkorlik to‘g‘risida bitim;
• Standartlashtirish, metrologiya va muvofiqlikni baholash sohasida memorandum;
• din ishlari bo‘yicha anglashuv to‘g‘risida idoralararo memorandumlar;
• Iordaniya Hoshimiylar Podshohligi Podshohi Abdulla II ibn al-Husaynning davlat tashrifi davomida erishilgan kelishuvlarni amalga oshirish bo‘yicha amaliy chora-tadbirlar rejasi.

Davlat tashrifi yakunida kelishuvlarni amalga oshirish bo‘yicha “yo‘l xaritasi” ham tasdiqlandi va Shavkat Mirziyoyev Iordaniyaning oliy nishoni — “An-Nahda” ordeni bilan mukofotlandi.