Toshkentda 13 yoshli bola 3 yoshli ukasini OLX’da sotuvga qo‘ydi

Avvalroq 3 yoshli bola OLX onlayn platformasida 150 ming so‘mga sotuvga qo‘yilgani haqida xabar bergandik. Aniqlanishicha, Toshkent shahrining Uchtepa tumanida yashovchi 13 yoshli bola sho‘xlik qilgan 3 yoshli ukasini hazil tariqasida OLX’da sotuvga qo‘ygan. E’lon bola tomonidan o‘ziga tegishli akkaunt orqali joylashtirilgan.
Ayni paytda holat yuzasidan Uchtepa tumani IIB tomonidan tergovga qadar tekshiruv ishlari olib borilmoqda. Ombudsman esa ushbu harakatni “shunchaki bolalarcha o‘ylovsiz tarzda” qilinganini taʼkidlab, kuzatuvni davom ettirmoqda.