Shavkat Mirziyoyev Peterburg xalqaro iqtisodiy forumida ishtirok etdi

Prezident Shavkat Mirziyoyev Peterburg xalqaro iqtisodiy forumida O‘zbekiston va Markaziy Osiyo mustaqil iqtisodiy o‘sish markaziga aylanib borayotganini ma’lum qildi.
Shuningdek, Prezident Rossiyani O‘zbekistonning strategik sherigi deb atab, so‘nggi 10 yilda o‘zaro savdo hajmi 4 milliard dollardan 13 milliard dollarga yetganini bildirdi. Shuningdek, Rossiya bilan hamkorlikdagi loyihalar qiymati 50 milliard dollardan oshgani qayd etildi.
Mirziyoyev O‘zbekistonda Rossiya ishtirokida birinchi gibrid atom elektr stansiyasi qurilishi boshlanganini ham ma’lum qildi. Uning aytishicha, loyiha mamlakatning energetika salohiyatini oshirish va yangi texnologiyalarni joriy etishga xizmat qiladi.