Lamin Yamal Falastin bayrog‘i sababli tanqidga uchradi

“Barselona” futbolchisi Lamin Yamal chempionlik paradida Falastin bayrog‘ini ko‘rsatgani uchun Isroil mudofaa vaziri tomonidan tanqid qilindi. U bu harakatni Isroilga nisbatan “nafrat uyg‘otish” deb atadi.
Keyinchalik Ispaniya bosh vaziri Pedro Sanches futbolchini himoya qilib chiqdi va bayroq ko‘rsatishni nafrat emas, balki shaxsiy fikr ifodasi ekanini ta’kidladi. U Yamalning bu harakatini ko‘plab ispanlarning Falastinni qo‘llab-quvvatlashi sifatida baholab, uni olqishladi.