Talabani imtihondan o‘tkazib berish uchun pul so‘ragan dekan o‘rinbosari qo‘lga tushdi

Jizzax davlat pedagogika universiteti dekani o‘rinbosari talabani yakuniy davlat imtihonidan o‘tkazib berish evaziga 500 AQSH dollari talab qilgani uchun qo‘lga olindi.
Ma’lum qilinishicha, u talabaga imtihonga tayyorlanishga hojat yo‘qligini, masalani o‘zi hal qilib berishini aytib, buning evaziga 500 dollar so‘ragan.
Talabaning murojaatidan so‘ng o‘tkazilgan tezkor tadbirda dekan o‘rinbosari kelishilgan pulning bir qismi — 2 million so‘mni olayotgan vaqtida ashyoviy dalillar bilan ushlangan.
Hozirda mazkur holat yuzasidan tergovga qadar surishtiruv ishlari olib borilmoqda.