- 6
- 18.10.2023 07:15:00
O‘zbekistonliklar Ruminiyaga 3 xil ish turi bo‘yicha ishga taklif qilinmoqda. Ish haqi 750 yevrodan boshlanadi
O‘zbekistonliklar Ruminiyaga qurilish ishlariga ishga taklif qilinmoqda. Bu haqda Tashqi mehnat migratsiyasi agentligi axborot xizmati xabar berdi.
Ma’lum qilinishicha, fuqarolar uch ish turi: payvandchi (MIG/MAG), CNC dastgohi operatori, chilangarlik bo‘yicha ishga taklif qilinmoqda. Ish vaqti haftasiga 40-48 soat. Ish haqi esa 750 yevrodan boshlanadi (soliqlar chiqarib tashlanganda). Ish beruvchi hisobidan:
- O‘zbekistondan Ruminiyaga aviachipta;
- Ruminiya ishchi vizasi va ishlash ruxsatnomasi;
- yotoqxona;
- bir mahal ovqat (tushlik);
- tibbiy va boshqa sug‘urtalar.
Nomzodlar uchun quyidagi talablar qo‘yilgan:
- 25-45 yosh bo‘lishi;
- rus yoki ingliz tilini bilishi;
- qurilish sohasida 3 yillik ish tajribasi;
- arxitektura-qurilish chizmalarini bilishi;
- sudlanmagan bo‘lishi;
- qurilish sohasida sertifikatga ega bo‘lishi.
Suhbatga biometrik va xorijga chiqish pasporti, kasbini tasdiqlovchi sertifikati bilan kelishi talab etiladi. Tanlov o‘tkaziladigan hudud va sana:
- 18-19-oktyabr Toshkent shahri, Shayxontohur tumani, Qoratosh ko‘chasi 44-uy. Mo‘ljal: Xadradagi “Asakabank” binosi orqasida joylashgan “Xadra o‘quv markazi”.
- 20-oktyabr Samarqand shahri, Narpay ko‘chasi 7b-uy. “Ishga marhamat” monomarkazi binosi. Mo‘ljal: Sanoat kolleji yonida.
Manba: daryo.uz
