Oʻzbekiston va Turkmaniston Oliy darajadagi strategik sheriklik kengashini tuzdi

Shavkat Mirziyoyev va Turkmaniston prezidenti Serdar Berdimuhamedov uchrashuvida ikki davlat o‘rtasidagi strategik sheriklikni yanada rivojlantirish masalalari muhokama qilindi.
Tomonlar savdo-iqtisodiy aloqalarni kengaytirish, sanoat, energetika, transport, qishloq va suv xo‘jaligi sohalarida hamkorlikni kuchaytirishga kelishib oldi. O‘zaro savdo hajmini oshirish bo‘yicha chora-tadbirlar rejasini amalga oshirish rejalashtirilmoqda.
Uchrashuv yakunida Oliy darajadagi strategik sheriklik kengashini tuzish to‘g‘risidagi bitim imzolandi. Mazkur kengash ikki mamlakat o‘rtasidagi siyosiy muloqot va amaliy hamkorlikni yanada rivojlantirishga xizmat qiladi.