Texnologiya rivojida navbatdagi muhim qadam – UzAuto Motors Oʻzbekistonda Chevrolet Onix avtomobillarini seriyali ishlab chiqarishni yoʻlga qoʻydi

Texnologiya rivojida navbatdagi muhim qadam – UzAuto Motors Oʻzbekistonda Chevrolet Onix avtomobillarini seriyali ishlab chiqarishni yoʻlga qoʻydi

Asaka shahridagi UzAuto Motors zavodida mahalliy butlovchi qismlarni ishlab chiqarishning murakkab tizimi asosida yuqori texnologiyali ishlab chiqarishni rivojlantirishning yangi bosqichi Chevrolet Onix avtomobili ommaviy ishlab chiqarilishining tantanali ravishda ishga tushirilgani bilan nishonlandi.

Bugungi kunda UzAuto Motors eng zamonaviy avtomobillarni ishlab chiqarmoqda. Ulardan biri Chevrolet Onix avtomobilidir. Yangi avtomobil modelining ishlab chiqarilishini yoʻlga qoʻyish uchun 5 mingdan ortiq injenerlar jalb qilingan boʻlib, ularning bir qismi Toshkentdagi Turin politexnika universiteti bitiruvchilaridir. Ular Chevrolet Onix avtomobili uchun Oʻzbekistondagi 200 dan ortiq korxonada 1 500 dona detallarning ishlab chiqarilishini yoʻlga qoʻyishdi.

Yangi Onix Chevrolet Tracker kabi GM GEM (General Motors Global Emerging Markets) platformasida ishlab chiqarish yoʻlga qoʻyildi. Ushbu loyihani amalga oshirish uchun 427,6 mln dollar miqdorida investitsiyalar kiritildi. Korxonalarning injenerlik salohiyati va texnik jihozlanishi Chevrolet Onix avtomobilini 50 foizgacha mahalliylashtirishga imkon berdi, yil oxiriga qadar esa 70 foizga yetkaziladi.

Oʻzbekistonda Onix avtomobilini ishlab chiqarishni tashkil etish uchun “O‘zavtosanoat” AJ tomonidan mahalliylashtirish boʻyicha yuqori texnologiyali 12 ta yangi loyiha amalga oshirildi. Shu jumladan, umumiy qiymati 312 mln dollar boʻlgan yangi zavodlar bunyod etildi va yuqori texnologiyali ishlab chiqarish liniyalari ishga turishildi. Yangi ishlab chiqarish quvvatlarining ishga tushirilishi 4,5 mingga yaqin yangi ish oʻrinlarini yaratish imkonini berdi.

UzAuto Motors Powertrain korxonasida avtomobillarning eng muhim tarkibiy qismlaridan biri boʻlgan dvigatellar mahalliylashtirildi. Buning natijasida Chevrolet Onix va Tracker avtomobillari uchun mahalliylashtirish darajasining umumiy foizi oshiriladi. Yuqori bosimli alyuminiy silindrli bloklarni ishlab chiqarishning ilgʻor texnologiyasidan foydalangan holda CSS Prime dvigatellarining innovatsion oilasini ishlab chiqarishni oʻzlashtirish dvigatelni yaxshiroq issiqlik uzatish va ekologik tozalik bilan taʼminlaydi. Ushbu dvigatellarning oʻziga xos xususiyati bu uning uchli texnologiyalashtirilganligi, yoqilgʻi sarfining tejamkorligi va turbinalarga ega ekanligidir. Mahalliy mutaxassislarnining jalb qilinishi va kapital xarajatlarni ishlab chiqarish liniyasi uskunalarini sotib olish uchun optimallashtirish orqali loyiha qiymatini qariyb 20 million dollarga yaqin kamaytirishga erishildi.

Andijon viloyatida noldan boshlab qurilgan yangi Kova Foundry quyuv zavodida zavodida temir quyish qismlari ishlab chiqarish yoʻlga qoʻyildi. Korxonada yuqori qoʻshimcha qiymatga ega mahsulotlarning yangi turlarini oʻzlashtirish maqsadida sanoat uchun eng ilgʻor va yangi texnologiyalar, shu jumladan, metallni qayta ishlashning barcha sikllari: eritish, quyish, qoliplash va yuqori aniqlikda ishlov berish joriy etildi. Yiliga 18 ming tonna quvvatga ega korxona xomashyoning qoʻshilgan qiymatini 10 baravargacha oshiradi va hamda 21 million dollar ehtiyot qismlar importi oʻrnini bosadi.

UzAuto tuzilmasi korxonalarida mahalliylashtirish dasturi doirasida zamonaviy dvigatel sovutish tizimiga ega radiatorlar, avtomobillarni boshqarish funktsiyalariga ega koʻp funktsiyali rul va xavfsizlik yostiqchasi, shuningdek, faqatgina 3 ta jahon ishlab chiqaruvchilari tomonidan qoʻllaniladigan noyob texnologiyadan foydalangan holda zamonaviy va xavfsiz plastik gaz baklari ishlab chiqarish yoʻlga qoʻyildi. Bundan tashqari, UzKoram-Co MCHJ korxonasida Chevrolet Onix va Tracker avtomobillari uchun yon oynalar ishlab chiqarish oʻzlashtirildi.

Bundan tashqari, birinchi marta zamonaviy usulda plastik va kauchuk qismlarni, shu jumladan, ekstruziya (texnologik jarayon – bosim ostida quyishning bir turi) usulidan foydalangan holda ishlab chiqarish va qayta ishlash yoʻlga qoʻyildi. Shuningdek, plastmass qismlarni ultratovushli payvandlash va plastmassani bosim ostida ikki komponentli quyish yoʻlga qoʻyilgani, bu esa yuqori germetik koʻrsatkichga va zarba yoki vibratsiya taʼsirini yutish imkonini beradi.

Modernizatsiya kuzov qismlarini issiq shtamplash yoʻli bilan ishlab chiqarish jarayoniga ham taʼsir koʻrsatdi. UzSungwoo zavodida issiq shtamplash yoʻli bilan Markaziy Osiyoda yagona boʻlgan toʻliq avtomatlashtirilgan metallni qayta ishlash sexining tashkil etilishi Chevrolet Tracker va Onix modellari uchun 214.5 mlrd soʻmga yaqin import oʻrnini bosuvchi 20 turdagi butlovchi qismlarni mahalliylashtirish imkonini berdi.

Eng yangi texnologiyalar asosida ishlab chiqilgan yangi UzSungwoo metallni issiq qayta ishlov berish liniyasi dunyoning yetakchi yetkazib beruvchilarining metallni kesish, issiq presslash va lazerli kesish uskunalari bilan jihozlangan boʻlib, 2,4 million dona metall buyumlar ishlab chiqarishni taʼminlaydi hamda zarur uskunalar sonini 5 barobargacha kamaytirish orqali investitsiyalarni tejaydi.

“O‘zavtosanoat” AJ boshqaruvi raisi Shavkat Umrzakov soʻzlagan nuqtida – “Bunday texnologik mahsulot ishlab chiqarishning rivojlanishi, albatta, Oʻzbekistonda yuqori malakali mutaxassislarni shakllantiradi. UzAuto tuzilmasidagi korxonalarda ishlab chiqarish va boshqaruvning yuqori madaniyati nafaqat avtomobilsozlik va boshqa koʻplab turdosh tarmoqlar rivojiga yangi turtki beradi” – deb alohida keltirdi.

Innovatsion ishlab chiqarish texnologiyalarining joriy etilishi Asakadagi UzAuto Motors zavodining ishlab chiqarish quvvatlariga ham taʼsir koʻrsatdi. Asosiy ishlab chiqarish boʻlinmalariga tashqari, kompaniya qoʻshimcha ravishda lazerli payvandlash jarayonini yoʻlga qoʻydi, bu boshqa payvandlash usullari bilan solishtirganda, yuqori aniqlik, korroziyaga chidamlilik va payvandlash kuchini oshirdi, shuningdek, ishlab chiqarishda estetika, yuqori darajadagi energiya tejash va atrof-muhitni muhofaza qilishda yuqori aniqlikka ega.

Amalga oshirilgan loyihalar Oʻzbekiston avtosanoatini yanada rivojlantirish va avtomobil ishlab chiqarish hajmini yiliga 500 ming donaga yetkazish uchun barcha sharoitlarni yaratdi.

Chevrolet Onix – eng yuqori standartlarga javob beradigan zamonaviy avtomobil. Oʻzbekistonda ishlab chiqarilishidan ancha oldin mashhur boʻlgan barcha kutgan avtomobil. Yangi model yorqin dizayn, zamonaviy interyer hamda qulaylik va xavfsizlik uchun barcha zarur opsiyalarni oʻzida mujassamlashtiradi.

Avtomobillar komplektatsiyasiga qarab 2 turdagi dvigatel bilan taqdim etiladi:

• 1,2 litrli 132 ot kuchiga ega turbo dvigatel hamda 6 pogʻonali avtomat uzatmalar qutisi bilan jihozlangan;
• 1,2 litrli 90 ot kuchiga ega atmosferali dvigatel 5 pogʻonalik mexanik uzatmalar qutisi bilan jihozlangan.
• Avtomobil 10,9 soniyada 100 km/soat tezlikka erishadi, shu bilan birga aralash siklda 100 km uchun faqat 5,9 l va shahar tashqarisidagi yoʻlda 4,7 l sarflaydi.

Zamonaviy dizayn

Avtomobil zamonaviy dizayn va qulaylik bilan birga xavfsizlik boʻyicha eng ilgʻor zamonaviy texnologiyalarni ham taqdim etadi. 5 oʻrindiqli ushbu sedan sayohatlar uchun xoh u oilaviy xoh doʻstlar orasida yoki xizmat safari bilan shaylangan xodim boʻlsin umuman, barcha-barcha uchun ham birdek ideal. Chevrolet Malibu avtomobili bilan oʻxshashligi yuqori toifadagi avtomobillardan qolishmaydigan mustahkam va zamonaviy tashqi koʻrinish beradi.

Futuristik yoritish texnikasi yon atrofdagilarning eʼtiborini jalb etadi. Bu hech bir avtomobil ixlosmandlarini befarq qoldirmaydi.

Kuzovdagi gorizontal chiziqlar avtomobilning zamonaviy dizayn uslubiga ega ekanligiga urgʻu beradi. Ular diod optika yorugʻlik elementlari bilan birgalikda avtomobilga yorqin va taniqli koʻrinish beradi, mukammal ishlangan kunduzgi diod optikasi esa Onixni kecha-yu kunduz koʻzga tashlanadigan qiladi.

Texnologik interyer

Chevrolet Onix interyeridagi chiziqlar va yorqin elementlar avtomobilning sigʻimliligini taʼkidlaydi. Va kenglik hissini yaratadi, buning barchasiga avtomobilning keng platformasi orqali erishiladi.

Ergonomik asboblar paneli koʻrinishni yaxshilaydi va yengillik hissini beradi.

Displey avtomobilning yuqori texnologiyali dizaynining markaziy qismidir, intuitiv 8 dyuymli axborot-koʻngilochar tizimi esa yuqori darajadagi premium va qulay boshqarishni qoʻshadi.

Qulay va oson boshqarish

Chevrolet Onix boshqarishni qulay va zavqli qiladigan barcha detallarga ega.

4LT komplektatsiyasida bazaviy opsiyalaridan tashqari avtomobilga kalitsiz kirish smart kalit (key) va yoqish START/STOP tizimi, kruiz kontrol bilan taʼminlangan.

Avtomobil isitish tizimiga ega charm qoplamali rul va yuqori sifatli mato qoplamali sport uslubidagi oʻrindiqlar bilan jihozlangan, shuningdek salonda simsiz quvvatlash tizimi mavjud.

LS komplektatsiyasidan tashqari barcha komplektatsiyalar Bluetooth va Hands-Free hamda 8 dyuymli sensor displeyga ega rusifikatsiyaga ega multimedia tizimi (Apple CarPlay va Android Auto) bilan jihozlangan.

Avtomobilning soddalashtirilgan komplektatsiyasidan tashqari barcha komplektatsiyalari signalizatsiya, konditsioner, rul kalonkasini yuqoriga va pastga hamda uzoq yaqinligini moslashtirish, haydovchi oʻrindigʻini balandligini sozlash, tezlikni cheklovchi va boshqa bir qator qulaylik uchun zarur boʻlgan opsiyalarga ega.

Bundan tashqari, komplektatsiyasiga qarab, avtomobillar tepalikka koʻtarilishga yordamlashuvchi tizim, faralar oʻchishining kechiktirilishi tizimi (Follow Me Home), toʻxtash tizimi datchiklari (Park-Assist) va bolalar oʻrindigʻini oʻrnatish tizimi ISOFIX bilan jihozlangan.

Chevrolet Onix xavfsizligi

Barcha Chevrolet Onix avtomobillari kamida 2 ta xavfsizlik yostiqchasi hamda ABS va ESC (barqarorlikni elektron nazorat qilish) tizimi bilan jihozlangan.

Top versiyalaridagi kruiz kontrol tizimi optimal boshqaruvni taʼminlaydi, uzoq masofalarga yengil va qulay harakatlanish imkonini beradi, faol xavfsizlik tizimlari baxtsiz hodisalarning oldini olishga yordam beradi va avtomobilning turli yoʻl qismlarida hamisha barqaror turishini taʼminlaydi.

Bundan tashqari, soddalashtirilgan komplektatsiyasidan tashqari barcha komplektatsiyalarda tezlikni cheklovchi va shinalar bosimining monitoring tizimi mavjud.

2023-yilda Chevrolet Onix Premium avtomobilidagi qoʻshimcha optsiyalar:

•  klimat kontrol;
•  yarimavtomat (parallel va perpendikulyar) toʻxtash tizimi;
•  old partroniklar;
•  koʻrinishi cheklangan joylar nazorati datchigi;
•  orqa oʻrindiq isitish tizimi;
•  lyuk;
•  toʻliq svetodiod optikasi va orqa gabarit chiroqlar.
•  salonda haydovchi, old oʻrindiq va orqa oʻrindiq yoʻlovchilar uchun alohida yoritish tizimi;
•  original dizaynli quyma disklar va boshqalar.
•