- 4
- 06.09.2024 16:29:00
Maktablardagi ayrim lavozimlar qisqartirildi
Maktabgacha va maktab taʼlimi vazirining buyrug‘i bilan umumtaʼlim muassasalari boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlariga oʻzgartirish va qoʻshimchalar kiritildi. Unga koʻra, sinflar soniga qarab “kutubxonachi” shtatini ajratish amaliyoti bekor qilinadi. Psixolog lavozimi esa oʻquvchilar soni 1500 nafargacha boʻlganda 1 birlik, 1500 nafardan ortiq boʻlganda 2 birlikdan shtat ajratiladi.
Laborant lavozimi tugatilib, laboratoriya xonasi mavjud boʻlganda fizika yoki kimyo fani oʻqituvchisidan biriga mehnatga haq toʻlashning eng kam miqdorining 50 foizi miqdorida har oylik qoʻshimcha haq toʻlanadi.
