Robert Pattinson “Betman 2” ustida ishlashni tez orada boshlaydi

Robert Pattinson “Betman 2” ustida ishlashni tez orada boshlaydi

Aktyor fransuz teleko‘rsatuvi “C à vous”ga bergan intervyusida “Betman 2” suratga olish ishlari yaqin kunlarda boshlanishini aytdi. Uning so‘zlariga ko‘ra, u yangi “Drama!” filmi uchun press-tur yakunlanishi bilanoq, ya’ni taxminan bir hafta ichida “Betman” loyihasiga qaytadi.

“Men ishni yana boshlashdan juda xursandman. Taxminan bir haftadan keyin press-turni tugatamiz va darhol ‘Betmen’ ustida ishlashni boshlayman. Yangi ssenariy juda, juda zo‘r,” — dedi Pattinson.

Bu ma’lumot Warner Bros. Discovery rejalariga ham mos keladi. Kompaniya avvalroq film suratga olish ishlari 2026-yil bahorida boshlanishini, premyera esa 2027-yil oktabriga rejalashtirilganini ma’lum qilgan.

Avvalroq loyihada Sebastian Stan va Skarlett Yohansson ishtirok etishi mumkinligi haqida xabarlar tarqalgan edi. Ikkalasi ham Marvel Cinematic Universe yulduzlari hisoblanadi, biroq ularning DC olamiga qo‘shilishi hozircha aniq emas.

“Betman” filmining birinchi qismi 2022-yilda namoyish etilgan va pandemiyadan keyingi davrda Warner Bros. uchun ilk yirik blokbaster bo‘lgan. Film jahon prokatida 772 million dollar daromad keltirgan.